Sabay

ភោជនីយដ្ឋានសំរាប់បង្ហាញស្នាដៃចុងភៅថ្មីដែលមានសម្ថភាព

Borin LY — Mon, 24 Aug 2009 06:15:22 +0000

ដោយមានការចូលរួមពីភោជនីយដ្ឋានមួយចំនួននៅ Philadelphia កម្មវិធី Open ChefAMe គឺកម្មវិធីសំរាប់បង្ហាញស្នាដៃរបស់ចុងភៅដែលថ្មីក្នុងក្រុង។

ជារៀងរាល់ថ្ងៃច័ន្ត ១ខែម្តងចុងភៅថ្មីត្រូវបានជ្រើសរើសអោយបញ្ចេញនូវស្នាដៃម្ហូមចំនួន៣មុខសំរាប់ភ្ញៀវរបស់ភោជនីយដ្ឋាន ដោយអោយចុងភៅថ្មីកាន់កាប់បន្ទប់ធ្វើម្ហូបសំរាប់ភ្ញៀវដែលមកសាកល្បង។ ដូច្នេះហាងនេះមិនមែនផ្សព្វផ្សាយសេវារបស់ខ្លួនដោយចុងភៅពូកែទេ គឺគេបង្ហាញចុងភៅថ្មី១ខែម្តង។

Website:http://openchefame.com/

Technorati Tags: ភោជនីយដ្ឋាន,អាជីវកម្ម,គំនិត

ហាងលក់គ្រឿអលង្ការសំរាប់អ្នកទើបបែកបាក់ស្នេហា

Borin LY — Sun, 23 Aug 2009 02:23:10 +0000

គំនិតដ៏ពិសេសនេះកើតលើងបន្ទាប់ពី Joshua Opperman ត្រូវបានគូរដណ្តឹងរត់ចោល។ គាត់បានសន្សំលុយយ៉ាងច្រើនដើម្បីទិញចិញ្ចៀនដ៏ពិសេសមួយសំរាប់ភ្ជាប់ពាក្យ។ បន្ទាប់ពីភ្ជាប់ពាក្យបាន ២ ៣ខែ ថ្ងៃមួយគាត់ត្រឡប់មកផ្ទះដោយមិនបានឃើញគូរដណ្តឹង ព្រមទាំងនាងបានប្រមូលរបស់របរនាងទាំងអស់ចាកចេញទៅ ដោយបន្សល់តែចិញ្ជៀនភ្ជាប់ពាក្យនៅលើតុកាហ្វេ។

ពិបាកចិត្តយ៉ាងខ្លាំងអស់មួយរយៈ Joshua បានសំរេចចិត្តថានឹងចាប់ផ្តើមជីវិតជាថ្មី ដោយយកចិញ្ជៀនទៅលក់នៅហាងដែលគាត់បានទិញវា។ រឿងភ្ញាក់ផ្អើលមួយទៀតកើតឡើង គឺហាងនោះអោយតំលៃចិញ្ចៀននេះតែ ៣៥ភាគរយ នៃតំលៃដែលគាត់ទិញ។

ដោយសារការមិនពេញចិត្តនិងការកេងចំណេញបែមនេះគាត់ក៏បានរៀបចំគេហទំព័រសំរាប់អ្នកដែលស្ថិតក្នុងស្ថានភាពដូចគាត់ដើម្បីលក់ដូរនូវគ្រឿងអលង្ការក្នុងតំលៃសមស្រប។

តើអ្នកឆ្ងល់ថារឿងរបស់គាត់បន្តរទៀតយ៉ាងម៉េច? បាទគឺគាត់បានជួបជាមួយគូស្នេហ៏ថ្មីនៃជីវិតរបស់គាត់ហើយបានរៀបការ។

Website: http://www.idonowidont.com

បង្រៀនមនុស្សចាស់អោយចេះប្រើទូរស័ព្ទដៃ

Borin LY — Sat, 22 Aug 2009 00:27:25 +0000

នៅពេលដែលទូរស័ព្ទដៃសេរីថ្មីចេញមកម្តងៗយើងឃើញថាមនុស្សជាច្រើននាំគ្នាយកលុយទៅទិញ ទោះបីជាមិនទាន់ចះប្រើអោយបានអស់នូវមុខងាររបស់វា។ អ្នកដែលឆ្លាតឆាប់យល់ពីការប្រើប្រាស់ទូរស័ព្ទទំនើបទំនើប ភាគច្រើន ទ្ធតែក្មេងៗ។

ដោយសារបញ្ហានេះនៅប្រទេស Holland មានការបង្កើតអោយមានសិក្ខាសាលាដែលបង្រៀនមនុស្សអោយចេះប្រើទូរស័ព្ទ ដែលគ្រួបង្រៀនសុទ្ធតែជាក្មេងស្ទាវ។ ការបង្រៀនមានដូចជា ការប្រើប្រាស់ t9 dictionary ការប្រើ Blueetooth ការបើកមើល Internet ជាដើម។

Website:http://www.bellendoejezo.com/

ភេសជ្ជៈសំរាប់អ្នកអត់ដឹងចង់ផឹកអី

Borin LY — Wed, 19 Aug 2009 06:10:00 +0000

តើអ្នកធ្លាប់ពេលនៅភោជនីយដ្ឋានពិបាកសំរេចចិត្តថាត្រូវហៅភេសជ្ជៈអ្វីឬទេ? បើសិនជាអ្នកនៅ Singapore សូម សាកល្បងហៅ Anyតhing ឬ Whatever (អ្វីក៏បាន)។

Anything ឬ Whatever គឺជាភេសជ្ជៈសំរាប់អ្នកមិនសំរេចចិត្ត។ Anything រសជាតិជាច្រើនដូចជា Cola Soda នឹង Root Beer ចំណែកឯ Whatever គឺមានរសជាតិផ្លែឈើ។ អ្វីដែលចំលែកគឺអ្នកមិនអាចជ្រើសរើសយករសជាតិណាមួយក្នុងចំណោមនេះទេ ពីព្រោះយើងមិនដឹងថានៅក្នុងកំប៉ុងនេះជារសជាតិអ្វីទេ។ ដូច្នេះភេសជ្ជៈប្រភេទនេះគឺសំរាប់អ្នកដែលមិនសំរេចចិត្តតែប៉ុណ្ណោះ។

Website: http://www.anything.com.sg

អោយប៉ុន្មានក៏បានដែរ ភោជនីដ្ឋានចំលែក

Borin LY — Tue, 18 Aug 2009 23:03:10 +0000

ភោជនីយដ្ឋានមួយនៅទីក្រុង Vienna ដែលបើកលក់ម្ហូប Pakistan បានបណ្តោយអោយភ្ញៀវជាអ្នកសំរេចចិត្តថាអោយប៉ុន្មានក៏បានបន្ទាប់ពីញាំអាហារ។

ទោះបីជាយ៉ាងណាក៏ការលក់ភេសជ្ជះត្រូវកំណត់តំលៃដោយអ្នកលក់ ភ្ញៀវអាចសំរេចបានតែតំលៃម្ហូបប៉ុណ្ណោះ។ ប៉ុន្តែគួរអោយចំលែកភ្ញៀវជាច្រើនបានអោយតំលៃអាហារយ៉ាងសមរម្យ ដូចច្នេះភោជនីយដ្ឋាននេះមិនខាតដោយសារការលក់ដ៌ចំលែកនេះទេ។

ខ្ញុំតែងតែជួបញយដងចំពោះការជឹះមូតូឌុប អ្នកឌុបខ្ញុំតែងតែថា អោយប៉ុន្មានអោយមក ខ្ញុំតែងតែអោយច្រើនជាងអ្វីដែលធ្លាប់អោយ។ ប៉ុន្តែសំរាប់ភោជនីយដ្ឋានវិញអត់ដឹងម៉េចដែរ។

Website: http://www.falter.at/web/wwei/detail.php?nr=5266

ភោជនីយដ្ឋានលើដើមឈើ

Borin LY — Tue, 18 Aug 2009 13:37:11 +0000

ផ្ទះនៅលើដើមឈើមើលទៅពិតជាគួរអោយចង់ឡើងលេងណាស់ ឥឡូវនេះនៅប្រទេស New Zealand មានភោជនីយដ្ឋានដែលគេសង់នៅលើដើមឈើ។

ភោជនីយដ្ឋាន Yellow Tree House គឺជាផ្នែកមួយនៃការផ្សព្វផ្សាយពានិជ្ជកម្មរបស់ Yellowpages នៅប្រទេស New Zealand។ តាមគំរោងគេគ្រាន់តែបើកភោជនីយដ្ឋាននេះរយៈពេល ១ខែប៉ុណ្ណើនឹងបិទវិញ ប៉ុន្តែគេកំពុងពិចារណាថាតើគួរបន្តរបើកវាទៀតឬអត់។

ទីតាំងរបស់ភោជនីយដ្ឋាននេះទៀតត្រូវបានគេលាក់ ដើម្បីកុំអោយអ្នកទៅមើលលេងច្រើនពេក ដូច្នេះលុះត្រាតែកក់តុបានហើយទើបគេប្រាប់ពីទីតាំង។

ភោជនីយដ្ឋានបែបនេះពិតជាគួរអោយចង់សាកណាស់។

Website: http://www.yellowtreehouse.co.nz

គេហទំព័រតំលៃមួយលានដុល្លា

Borin LY — Mon, 17 Aug 2009 09:05:55 +0000

វាត្រូវការរយៈពេលតែ ២០នាទីប៉ុណ្ណោះសំរាប់និសិត្សវ័យ២១ឆ្នាំម្នាក់បង្កើតនូវគំនិតមួយដែលធ្វើអោយគេរកបានលុយជាង១លានដុល្លាក្នុងរយៈពេល៤ខែ។

គំនិតក្នុងការរកលុយមួយលានដុល្លាកើតឡើងពីការខ្វះលុយក្នុងការបង់ថ្លៃរៀនមហាវិទ្យល័យ។ Alex Tew Lay បានជំពាក់ធនាគារលុយមួយចំនួនរួចហើយ ហើយគេយល់ថាបំណុលនេះនឹងកើនឡើងទៀតក្នុងពេលគេរៀនមហាវិទ្យាល័យ។ រឿងដែលគាត់ចាប់ផ្តើមសរសេលើសៀវភៅគឺ៖

តើធ្វើដូចម្តេចទើបខ្ញុំក្លាយជាអ្នកមាន

វាគឺជាការលក់នូវ pixel នៅលើគេហទំព័រ ក្នុងមួយ pixel ១ដុល្លា ក្នុងគេហទំព័រមួយ មានចំនួន១លាន pixel ។ ការទិញតិចបំផុតគឹ ១០០ pixel ឬ ១០០ដុល្លា គឹ 10 pixel x 10pixel។ លុយចំនួន ១០០០ដុល្លាដំបូងគឺបានពីការជួយទិញរបស់មិត្តភ័ក្ត បងប្អូន ហើយ Alex ចំនាយលុយនេះសំរាប់ការផ្សាយពានិជ្ជកម្ម។

បន្ទាប់ពីលេខលឺព័តមាននេះមកមនុស្សជាច្រើនបើកមើលទំព័រនេះដែលទាក់ទាញអ្នកផ្សាយពានិជ្ជកម្មជាច្រើនទិញយកទីតាំងលើគេហទំព័រនេះ។

Website: http://www.milliondollarhomepage.com/

E-mail រូបថតដើម្បីផ្ញើររូបថតផ្តិតហើយអោយមិត្តភ័ក្កឬគ្រួសារ

Borin LY — Sun, 16 Aug 2009 00:26:30 +0000

ទោះបីជាបច្ចេកវិទ្យាបានធ្វើអោយការថតរួបមានលក្ខណៈDigital ងាយស្រួលក្នុងការផ្ញើរទៅមកក៏ដោយ តំរូវការរូបថតផ្តិតលើក្រដាសហើយផ្ញើរទៅកាន់បងប្អូនដែលគ្មាន internet ប្រើនៅតែមាន។ Picwing ផ្តល់សេវារក្នុងការផ្តិតរូបថតរួចផ្ញើទីកាន់បងប្អូន ១ដង ឬ២ដងក្នុងមួយខែ។

អ្នកប្រើប្រាស់អាច upload រូបថតជាមួយនិង ឈ្មោះ អាស័យដ្ឋានអ្នកទទួល Picwing និងចាប់ផ្តើមផ្តិតរូបថតហើយផ្ញើរចេញតាមប្រៃសនីយទៅកាន់អ្នកទទួល។ គេក៏អាចបន្ថែមនូវសារផ្ទាល់ខ្លួនខ្លីៗពីក្រោយរូបថតដែរ។

សេវាបែបនេះអាចកែឆ្នៃមកប្រើប្រាស់នៅស្រុកខ្មែរ ដោយសារមានជនជាតខ្មែរយើងជាច្រើននៅក្រៅប្រទេសចង់ទំនាក់ទំនងមកផ្ទះ ដោយផ្ញើររូបថតជាដើម សំរាប់ស្រុកខ្មែរយើងដែលអត់សូវមាន Internet និងអ្នកចេះប្រើបច្ចកវិទ្យា សេវាបែបនេះពិតជាអាចដោះស្រាយបញ្ហា។

Website: http://www.picwing.com

សណ្ឋាគារ(Cotainer)នៅប្រទេសម៉ាឡេស៊ី

Borin LY — Sat, 15 Aug 2009 08:41:00 +0000

សណ្ឋាគារដែលគេឆ្នៃចេញពីទូរ Container ត្រូវបានគេសាងឡើងដើម្បីអោយអ្នកទេសចរណ៏ដែលចង់សាកអ្វីប្លែកហើយថោក។ ស្ថិតនៅទីក្រុង Kulalumpur ប្រទេស Malaysia 41Beragan គឺជាឈ្មោះសណ្ឋាគារដែលមាន ១១បន្ទប់។

សណ្ឋាគារនេះមានបន្ទប់ចំនួន ៩ដែលជាបន្ទប់ធម្មតា ចំណែកឯ២បន្ទប់ទៀតគឺធ្វើពី container នៅក្នុងសួនច្បារនេះជាការប្រើប្រាស់ទីតាំងយ៉ាងមានប្រសិទ្ធិភាព ពីព្រោះទីតាំងដែលស្ថិតនៅក្នុងទីក្រុងមានតំលៃខ្ពស់ខ្លាំង។

ដោយសារតែអចលនៈវត្ថុមានតំលៃខ្ពស់នៅក្នុងតំបន់ប្រជុំជន កាប្រើប្រាស់ container គឺជាគំនិតដ៏ល្ឥមួយ។

Website: http://www.41berangan.com/

សណ្ឋាគារសុំទិញគ្រឿងសង្ហារឹមពីភ្ញៀវ

Borin LY — Fri, 14 Aug 2009 23:00:00 +0000

ក្រុមហ៊ុនសណ្ឋគារ Dutch Hospitality Group កំពុងសង់សណ្ឋាគារនៅទីក្រុង Maastricht ហើយមានគំរោងតុបតែងសណ្ឋាគារដោយប្រើប្រាស់របស់របរដែលទិញពីមនុស្សទូទៅ។

ដើម្បីស្វែងរកគ្រឿងសង្ហារឹមទាំងនេះក្រុមហ៊ុន បានប្រកាសអោយប្រជាជនប្រមូលរបស់របរដែលមិនប្រើ យកមកលក់។ អ្នកលក់អាចផ្ញើររូបភាពរបស់ ទាំងនោះជាមួយការរៀបរាប់ ព្រមទាំងតំលៃដែលចង់លក់។

របស់របរដែលគេចង់ទិញមានដូចជាំ កៅអី តុ និងរបស់របរតុបតែងជាច្រើន។ ការធ្វើបែបនេះមិនគ្រាន់តែអាចអោយរកបាននូវរបស់របរប្លែកៗមកតុបតែងក្នុងសណ្ឋាគារទេ គេថែមទាំងទាក់ទាញចំណាប់អារម្មណ៏ពីសណ្ឋាគារទាំងសណ្ឋាគារមិនទាន់បើកតំណើរការផង។

បើសិនជាអ្នកបានលក់របស់អោយសណ្ឋាគារនេះ ពិតជាចងទៅមើលថាតើរបស់អ្នកគេតាំងនៅត្រង់ណា។

Website: http://www.stijlsexensoep.nl/

Sabay

ភោជនីយដ្ឋាន​សំរាប់​បង្ហាញស្នាដៃ​ចុងភៅ​ថ្មីដែលមានសម្ថភាព

ហាងលក់គ្រឿអលង្ការ​សំរាប់អ្នកទើបបែកបាក់ស្នេហា

បង្រៀន​មនុស្សចាស់អោយ​ចេះប្រើទូរស័ព្ទដៃ

ភេសជ្ជៈសំរាប់អ្នកអត់ដឹង​ចង់ផឹកអី

អោយប៉ុន្មានក៏បានដែរ​ ភោជនីដ្ឋាន​ចំលែក